រក្សាសិទ្ធិគ្រប់យ៉ាងដោយ ©​ ក្រសួងសង្គមកិច្ច អតីតយុទ្ធជន និងយុវនីតិសម្បទា      រចនាគេហទំព័រ និងបង្ហោះព័ត៌មានថ្មីៗដោយ លោក ឯម ច័ន្ទមករា

ទំព័រដើម អំពីយើង ព័ត៌មាន រចនាសម្ព័ន៍្ធ ទំនាក់ទំនង

ក្រសួងសង្គមកិច្ច  អតីតយុទ្ធជន  និងយុវនីតិសម្បទា  គឺជាក្រសួងមួយត្រូវបានបំពេញតួនាទី  ភារកិច្ចសង្គមទាក់ទងដោយផ្ទាល់ជាមួយនឹងប្រជាពលរដ្ឋជា​​​​​​

ទូ​ទៅ ជាពិសេសជាមួយមុខសញ្ញានៃក្រុមជនដែលងាយទទួលរងគ្រោះ​ នៅព្រះរាជាណា​ចក្រកម្ពុជា។

 

ក្រសួងនេះត្រូវបានបង្កើតឡើងជាយូរលង់ណាស់មកហើយ​ និងត្រូវផ្លាស់ប្តូរឈ្មោះ​ និងតួនាទីភារកិច្ច​ដោយយោងទៅតាមស្ថានភាពជាក់ស្តែង  នៃ

ការរីកចំរើនប្រទេសជាតិយើង។​  ​

 

ក្រោយថ្ងៃរំដោះ ៧ មករា ១៩៧៩  ក្រសួងនេះឈ្មោះថា គណៈកម្មាធិការសង្គមកិច្ច បន្ទាប់មកជាក្រសួងនេះបានផ្លាស់ប្តូរឈ្មោះទៅតាម

សម័យកាលរដ្ឋាភិបាល ដូចជាឈ្មោះ ​ ៖

ក្រសួងសង្គមកិច្ច

ក្រសួងយុទ្ធជនពិការ​និងសង្គមកិច្ច

ក្រសួង​សង្គមកិច្ចការងារ និងអតីតយុទ្ធជន

ក្រសួង សង្គមកិច្ចការងារ បណ្តុះបណ្តាលវិជា្ជជីវៈ ​ និងយុវនីតិសម្បទា

ទោះជាទទួលនូវឈ្មោះប្លែកៗគ្នាយ៉ាងណាក៏ដោយ ក៏ក្រសួងនេះជានិច្ចជាកាលបានទទួលបន្ទុករាល់ការងារសង្គមយ៉ាងសំខាន់។

 

បច្ចុប្បន្ននេះក្រសួងមានឈ្មោះថា ​ "សង្គមកិច្ច អតីតយុទ្ធជន​ និងយុវនីតិសម្បទា " ។

អំពីក្រសួងសង្គមកិច្ច  អតីតយុទ្ធជន  

និងយុវនីតិសម្បទា 

នៅក្នុងនីតិកាលទី ៣​ នៃរដ្ឋសភា ក្រសួងសង្គមកិច្ច អតីតយុទ្ធជន និងយុវនីតិសម្បទាត្រូវបានបង្កើតឡើងតាមព្រះរាជក្រមលេខ នស/រកម/០១០៥/

០០១  ចុះថ្ងៃទី  ១៧  ខែមករា  ឆ្នាំ២០០៥  ដែលប្រកាសអោយប្រើច្បាប់ស្តីពីការបង្កើត ក្រសួងសង្គមកិច្ច អតីតយុទ្ធជន និងយុវនីតិសម្បទា​ និងអនុក្រឹត្យលេខ ៥៥ អនក្រ.កប ចុះថ្ងៃទី០៨​ខែមេសា  ឆ្នាំ២០០៥ ស្តីពីការរៀបចំ  និងការប្រព្រឹត្តទៅរបស់​ ក្រសូងសង្គមកិច្ច​ អតីតយុទ្ធជន  និង

យុវនីតិសម្បទា។ 

 

ក្រសួងត្រូវបានរាជរដ្ឋាភិបាលកម្ពុជាប្រគល់បេសកកម្មអោយដឹកនាំ  និងគ្រប់គ្រងវិស័យសង្គមកិច្ច  វិស័យអតីត​យុទ្ធជន​និងវិស័យយុវនីតិសម្បទា នៃព្រះរាជា ណាចក្រកម្ពុជា ​និងត្រូវបានដឹកនាំដោយរដ្ឋមន្ត្រី​ ១ រូប​រដ្ឋលេខាធិការ ៩រូប និងអនុរដ្ឋលេខាធិការ ៨ រូប ។  

 

ក្រសួងមាន មន្ត្រីរាជការក្របខ័ណ្ឌសរុបចំនួន ១.៦១១​ នាក់ (ក្នុងនោះថ្នាក់ជាតិ ១៧១នាក់​ ថ្នាក់ក្រោមជាតិ ៦៣៥ នាក់)  និងបុគ្គលិកជាប់ កិច្ចសន្យាចំនួន

៨០៦នាក់(ក្នុងនោះថ្នាក់ជាតិ ១៧១ នាក់ថ្នាក់ក្រោមជាតិ១៣៦នាក់)។ ​